دەنگوباس
ئاژانسی ئارگسی بەریتانی دەڵێت، عێراق داوای لە ئێران کردووە گواستنەوەی نەوتی قاچاخی هەرێم رابگرێت.
ئاژانسەکە لە هەواڵێکدا باسی لەوەکردووە، وەزارەتی دەرەوەی عێراق داوای لە بەرپەرسانی ئێران کردووە رێگریی بکەن لەو تانکەرانی نەوتی قاچاخ لە هەرێمی کوردستانەوە بۆ ئێران دەگوازنەوە.
باس لەوەشكراوە، بەهۆی فەرمانەکەی بەغدادەوە گواستنەوەی نەوتی قاچاخ لە دەروازەی سنووریی حاجی ئۆمەران راگیراوە.
هەر بەگوێرەی ئاژانسەکە، گواستنەوەی قاچاخی نەوتی رەش و بەرهەمەکانی دیکەی نەوت هێشتا لە دەروازە سنورییەکانی باشماخ و پەروێزخان رانەگیراون.
هاوکات، ئەو بڕیارەی بەغداد تا کاتێکی نادیار وەک خۆی دەمێنێتەوە، بەڵام دیار نییە چەند کاریگەریی دەبێت لەسەر راگرتنی نەوتی قاچاخی هەرێم.