هامستەر کۆمبات چییە؟
تا چەند هەفتەیەک لەمەوبەر، هامستەر کۆمبات تاڕادەیەک نەناسراو بوو، بەڵام بە خێرایی بووەتە بابەتێکی گەرم بە تایبەت لە ناو گەنجاندا.
هەندێکیان بە گاڵتەجاڕیەوە خەریکی یارییەکە دەبن، هەندێکی تریش ڕۆژانە چەندین کاتژمێر بەسەر دەبەن بە پەنجەلێدانی شاشەکانیان و بەدوای وەڵامی پرسیارەکانیاندا دەگەڕێن سەبارەت بە یارییەکە.
یارییەکە بە مینی ئەپڵیکەیشنی تەلەگرامی دەستپێدەکات، کە بەکارهێنەران دەتوانن بانگهێشتی کەسانی دیکە بکەن بۆ ئەوەی پەنجە بخەنە سەر شاشەی مۆبایلەکانیان بۆ کۆکردنەوەی دراو و ڕیکلامی بۆ بکەن لە لاپەڕەکانی سۆشیال میدیا.
دروستکەری یارییەکە ئامانجی ئەوەیە ئەم دراوانە لە ئاڵوگۆڕی دراوی کریپتۆدا بخاتە لیستی یارییەکەوە، وەک یاری بەناوبانگی تەلەگرامی"NotCoin"، کە نرخەکانیان بەپێی دابینکردن و خواست دیاری دەکرێت.
بنەمای یارییەکە بۆ "قازانج لە یەک کاتژمێردا" بەکارهێنەران دەتوانن تۆکنەکان بگوازنەوە یان "ئایردرۆپ" بکەن و بە ئەگەرێکی زۆرەوە بیانگۆڕن بۆ پارەی ڕاستەقینە.
پرسیار و نیگەرانییە بێ وەڵامەکان
سەرەڕای بەناوبانگبوونی، هامستەر کۆمبات تا ئێستاش بە نهێنیدا پۆشراوە. عەلیرەزا منافی، لێکۆڵەری ئینتەرنێت و ئاسایشی دیجیتاڵی لە شاری تۆرۆنتۆ ڕایگەیاند، زۆر لایەنی بنەڕەتی یارییەکە ڕوون نین
ئاماژە بە چەند خاڵێکی تاریک دەکات لە سەرهەڵدان و دابەزینی ناوبانگی هامستەر کۆمبات، کە تا ئێستا دروستکەرەکانی چارەسەریان نەکردووە.
بە پێچەوانەی زۆرێک لە دراوە کریپتۆ دامەزراوەکان، هامستەر کۆمبات کاغەزی سپی نییە. وەرەقەیەکی سپی زۆر گرنگە چونکە زانیاری ورد سەبارەت بە دراوی کریپتۆ دەدات، لەوانەش تەکنەلۆژیای و پلانەکانی پەرەپێدان و دیدگای کۆمپانیای بنەڕەتی.
نەبوونی بەڵگەنامەیەکی لەو شێوەیە ئاماژەیە بۆ نەبوونی شەفافیەت و پلانی ورد.
یارییەکە زانیاری ڕوون لەسەر سیاسەتی پاراستنی نهێنی خۆی نادات. بەکارهێنەران لە تاریکیدا دەمێننەوە سەبارەت بەوەی کە چی ڕوودەدات کاتێک پەنجە دەخەنە سەر مۆبایلەکانیان- ئایا ئەوان دراوی کریپتۆ دەدۆزنەوە، داتاکانیان بۆ کوێ دەچن و ئامانجی گشتی کارەکانی کۆمپانیاکە چییە؟.
بە بوونی 100 ملیۆن بەکارهێنەر لە ماوەی چەند هەفتەیەکدا، گەشەی خێرای یارییەکە نیگەرانییەکان لەبارەی ئاسایش و نهێنی داتاکانەوە دروست دەکات. بەکارهێنەران و توێژەران بە هەمان شێوە ئاگاداری مەترسییە ئەگەرییەکانن کە پەیوەندییان بەم زیادبوونە لەناکاوەی ناوبانگەوە هەیە.