ده‌نگوباس:
نوێنه‌رایه‌تى هه‌ده‌په‌و ده‌م پارتى له‌هه‌رێمى كوردستان ڕایده‌گه‌یه‌نێت، "هه‌رێمى كوردستان له‌هه‌ر چوار پارچه‌كه‌ى كوردستان خراپترى به‌سه‌رهاتووه‌و پارچه پارچه بووه".
حیكمه‌ت هه‌تیف نوێنەری هەدەپە ـ ده‌م پارتى لەباشووری کوردستان ڕایگه‌یاند، "هۆکاری دوورخستنەوەمان له‌شارى هه‌ولێره‌وه بۆ سلێمانى، دەگەڕێتەوە بۆ ئەو ڕێککەوتنەی کە لەنێوان پارتى دیموكراتى كوردستان‌و دەوڵەتی تورکیادا هه‌یه".
باسى له‌وه‌شكرد، "هه‌موومان ده‌ڵێین كوردستان پارچه پارچه‌یه، به‌ڵام له‌ڕاستیدا هه‌ر خوودى هه‌رێمى كوردستان خۆى پارچه پارچه بووه، پارچه‌یه‌ك پێى ده‌وترێت‌و زه‌ردو پارچه‌یه‌ك پێى ده‌وترێت سه‌وز".
ده‌شڵێت:"پارتى له‌سنوورى ئه‌و به‌شه‌ى پێیى ده‌ڵێن زۆنى زه‌رد، ڕێگه به‌هیچ ده‌سه‌ڵات‌و حزبێك نادات كارو چالاكیى بكات‌و ده‌ڵێت ده‌بێت ته‌نها خۆم بم".
جه‌ختیشده‌كاته‌وه، "بۆمان ده‌ركه‌وت پارتى چیتر ڕێگه به‌كارو چالاكیى سیاسیى ده‌م پارتى یان هه‌ده‌په له‌سنووره‌كه‌ى خۆیدا نادات، بۆیه به‌و شێوه‌یه ئێمه‌یان هێنایه زۆنى سه‌وزو پێشیان وتین، هیچكات بۆتان نییه بگه‌ڕێنه‌وه هه‌ولێرو زۆنى زه‌رد".
#باشووری کوردستان