دەنگوباس
وەزارەتی دارایی هەرێمی کوردستان بەیانیی ئەمڕۆ لیستی مووچەی مانگی 10ـی بە کاغەز و لەسەر CD، لەڕێگەی تیمێکی تەکنیکیی ناردووەتەوە وەزارەتی دارایی عێراق.
 
بەگوێرەی ڕاگەیەنراوێکی وەزارەتی دارایی بەیانیی ئەمڕۆ (یەکشەممە، 3-11-2024) لەگەڵ دەستپێکردنی دەوامی وەزارەتی دارایی عێراق، لیستی مووچەی مانگی 10ـی مووچەخۆرانی هەرێمی کوردستان لەلایەن تیمێکی تەکنیکیی وەزارەتی دارایی هەرێمی کوردستانەوە نێردراوەتە وەزارەتی دارایی عێراق و، ئێستا لیستەکە بە کا‌غەز و CD لە بەشی وردبینیی وەزارەتە.
 
ئەمڕۆ لە بەغدا بەهۆی دۆخی کەشوهەوا پشووی فەرمییە، بەڵام بەشی وردبینیی وەزارەتی دارایی عێراق لە دەوامن تەنیا بۆ وەرگرتنی لیستی مووچەکە و ئەمڕۆ وردبینیی تێدا ناکەن.