دەنگوباس
کەناڵێکی ئیسرائیلی ئاشکرایدەکات، وڵاتەکەی خۆی بۆ هێرشێکی دیکە بۆسەر ئێران ئامادە دەکات، ئەوەش وەك وەڵامدانەوەیەك بۆ هێرشکردنەسەر ماڵی سەرۆک وەزیرانی ئیسرائیل.
کەناڵی 13ی ئیسرائیل ئاشکرایکرد، ئیسرائیل خۆی بۆ هێرشێکی دیکە بۆسەر ئێران ئامادە دەکات، ئەوەش بەهۆی ئەوەی 19ی ئەم مانگە هێرشکرایەسەر ماڵی بنیامین نەتەنیاهۆ، سەرۆک وەزیرانی ئیسرائیل و هێرشەکەش لە لوبنانەوە ئەنجامدرا.
هەرچەندە کەناڵەکە وادەی هێرشەکەی ئاشکرانەکردووە بەڵام دەڵێت، هێرشێکی نوێی چاوەڕوانکراوە.