ده‌نگوباس:
كاتژمێر 5ى ئێواره ئاگرێکی گەورە لەناوچەی پیشەسازیی شاری سلێمانی کەوتەوەو تیمەکانی بەرگریی شارستانی سلێمانیش تائێستا سەرقاڵی کوژاندنەوەی ئاگرەکەن.
بەگوێرەی ئەو زانیارییانەی تایبه‌ت ده‌ست ده‌نگوباس كه‌وتوون، ئاگره‌كه سه‌ره‌تا لەكۆگاى كارگه‌ى ئاوى سلێمانى كه‌وتووه‌ته‌وه، به‌ڵام دواتر ته‌شه‌نه‌یكردووه كۆمپانیا چیاو-یشى گرتووه‌ته‌وه.
به‌رگریى‌و شارستانى‌و ته‌ندروستیش ئاشكرایده‌كه‌ن، زیانى ئاگره‌كه ته‌نها مادییه‌و هیچ زیانێكى گیانى لێنه‌كه‌وتووه‌ته‌وه.
به‌رگرى شارستانى سلێمانى جه‌ختده‌كاته‌وه، هۆکاری کەوتنەوەی ئاگرەکە شۆرتى كاره‌بایه‌و تیمەکانیشیان تائێستا سه‌رقاڵى كۆنترۆڵكردنى ئاگره‌كه‌ن، به‌ڵام به‌هۆى ته‌شه‌نه‌كردنییه‌وه كۆنترۆڵكردنى ئه‌سته‌مه.
جه‌ختیشده‌كاته‌وه، به‌زیاتر لە 10 تیم سەرقاڵی کوژاندنەوەی ئاگرەکەی ناوچەی پیشەسازی سلێمانین‌و تائێستا نه‌توانراوه كۆنترۆڵبكرێت.
ئه‌گه‌رچى به‌رگرى شارستانى هیچ زانیارییه‌كى له‌باره‌ى زیانه مادییه‌كانى ئاگره‌كه‌وه ڕانه‌گه‌یاندووه، به‌ڵام كۆمپانیاى چیاو ئاشكرایكردووه، زیانى یه‌ك ملیۆن دۆلاریان لێكه‌وتووه.
#سلێمانی