دەنگوباس
دوای کوژرانی حەسەن نەسروڵڵا، ئەمینداری گشتیی حیزبوڵڵا، پرسیاری سەرەکی ئەوەیە کێ شوێنی دەگرێتەوە، بە تایبەتی کە زۆربەی ئەندامانی سەرکردایەتیی بزووتنەوە لوبنانییەکە لەلایەن ئیسرائیلەوە کوژراون.
ئەو کەسەی بە کاندیدی سەرەکیی دادەنرێت، هاشم سەفیەدینە، کە پوورزای نەسروڵڵایە و کوڕەکەی، زاوای قاسم سولەیمانی، فەرماندەی پێشووی فەیلەقی قودسی سوپای پاسدارانی ئێرانە.
سەفیەدین لە زۆر رووەوە لە نەسروڵڵا دەچێت، لە سەروسیماوە تا دەگاتە شێوازی قسەکردنی. لە ساڵی 1994ـەوە ئامادە کراوە بۆ ئەوەی سەرکردایەتی حیزبوڵڵا بگرێتەدەست، کە ئەو کاتە تازە لە شاری قومی ئێرانەوە گەڕابووەوە بۆ ئەوەی پۆستی سەرۆکایەتیی ئەنجوومەنی جێبەجێکاری بزووتنەوەکە وەربگرێت.