ده‌نگوباس:

به‌مەبەستی به‌شداریی له‌کۆبوونەوەکانی کۆمەڵەی گشتیی نەتەوەیەکگرتووەکان، سەرۆک وەزیرانی عێراق گەیشتە نیویۆرک.

محەممەد شیاع سوودانی سەرۆک وەزیرانی عێراق گەیشتە نیویۆرک‌و بڕیارە به‌شداریی له‌79مین کۆبوونەوەکانی کۆمەڵەی گشتیی نەتەوەیەکگرتووەکان بکات.

نووسینگه‌ی سه‌رۆك وه‌زیرانی عێراق ئاشكرایكردووه‌، سوودانی له‌په‌راوێزی به‌شداریكردنی له‌کۆبوونەوەکانی کۆمەڵەی گشتی نەتەوەیەکگرتووەکان چاوی به‌ژماره‌یه‌ك له‌سه‌ركرده‌و سه‌رۆكی وڵاتان‌و سه‌رۆكی ڕێكخراوه‌ نێوده‌وڵه‌تییه‌كان ده‌كه‌وێت.

ئاماژە بەوەشكراوه‌، سوودانی له‌به‌رده‌م کۆمەڵەی گشتی نەتەوەیەکگرتووەکان‌و لەلووتکەی ئاییندەدا وتارێک پێشكه‌شده‌كات.