دەنگوباس
ئەمڕۆ سێ تووشبووی دیکەی تای خوێنبەربوون لە دهۆک تۆمارکران کە پێش شەش رۆژ پشکنینەکانیان رەوانەی بەغدا کرابوون بۆ پشتڕاستکردنەوە. 
 
ئەمڕۆ سێشەممە دوای ئەنجامدانی پشکنین بۆ دوو ئافرەت و پیاوێک بە گومانی توشبوون بە تای خوێنبەربوون، ئەنجامەکانیان پۆزەتیف دەرچوو، واتە هەڵگری نەخۆشییەکەن. 
 
هەرسێ کەسەکە خزمی یەکن و خەڵکی سنووری ناحیەی رۆڤیەن لە قەزای بەردەڕەش؛ دووانیان خوشک و بران تەمەنیان  20 و 21 ساڵە و ئەوەی دیکەش تەمەنی 52 ساڵە و دایکیانە.  
 
دکتۆر سەگڤان حەسەن، بەڕێوەبەری نەخۆشیە گوازراوەکان لە دهۆک ڕایگەیاند، پێش چەند رۆژێک ئەنجامی پشکنینەکان دەرچوون؛ لە دهۆک چارەسەر وەردەگرن و تەندروستیان جێگیرە.
 
بەمەش ژمارەی تووشبووانی تای خوێنبەربوون لەم ساڵدا لە دهۆک دەبێتە پێنج توشبوو و کەسێکیش بەهۆیەوە گیانی لەدەستداوە.