ده‌نگوباس:

بەرپرسی ڕاگەیاندنی دەستەی سەربەخۆی مافی مرۆڤ لەهەرێم ئاشكرایده‌كات، "بەهۆی پێشێلکردنی دەستوور بەجیاکاریکردن لەنێوان فەرمانبەرانی عێڕاق‌و هەرێم، سكاڵا له‌سه‌ر ته‌یف سامى وه‌زیرى دارایی عێراق تۆمارده‌كرێت".

محەمەد گۆمەشینی بەرپرسی ڕاگەیاندنی دەستەی سەربەخۆی مافی مرۆڤ لەهەرێم ڕایگەیاند، "ڕۆژی دووشەممە داوای سکاڵا بەرزدەکەمەوە بۆ سەرۆکایەتی دەستەی مافی مرۆڤ بۆ تۆمارکردنی سکاڵا لەسەر وەزیری دارایی عێراق بەهۆی پێشێلکردنی دەستوور بەجیاکاریکردن لەنێوان فەرمانبەرانی عێڕاق‌و هەرێم‌و جێبەجێنەکردنی بڕیارەکانی دادگای فیدڕاڵی لەسەر نەناردنی مووچەی فەرمانبەرانی هەرێم، کە نابێ مووچە بخرێتە ناو ململانێی سیاسی‌و تەکنیکی".

ڕاشیگەیاندووە، "ئەوە مانای ئەوەنییە کەموکوڕی لەهەرێم‌و لیستی مووچەی هەرێم نییە نەڵێی ئەی هەرێم چییەو شتی وا، قسەکە لەسەر ئەوەیە، هەرچی کێشە هەبێت‌و حەزدەکەی هەمووشی خەتای هەرێم بێت، کێشەی مووچەخۆران نییەو دادگاش بڕیاریداوە نابێ بەهیچ بیانوەک مووچە نەنێردرێ‌و نابێ تێکەڵی ململانێ بکرێ، ئەگەریش بەغدا ڕاست دەکات بیانوو نییە دەڵێ خەتای هەرێمە با بەیەکجاریی نەینێرێ‌و سکاڵا تۆماربکات".