ده‌نگوباس:

ئەنجوومەنى گوندى گەڵاڵە رایگەیاند، فڕۆکەى بێفڕۆکەوان دووجار بۆردوومانى سنووری گوندەکەی کردووە و بۆردوومانەکە نزیکبووە لە شوێنی نیشتەجێبوونی هاونیشتمانیان.

عەلی مەحمود، ئەنجوومەنی گوندی گەڵاڵە ئاشكرایكرد، دوانیوەڕۆى ئەمڕۆ پێنجشەممە 22ی ئابی 2024، فڕۆکەى بێفڕۆکەوان دووجار بۆردوومانى سنووری گوندی گەڵاڵەی کرد.

عەلی مەحمود ئاماژەی بەوەشکرد، بۆردوومانەکان لە نزیک شوێنى نیشتەجێبوونى هاونیشتمانییان بوون، بەڵام هیچ زیانێکی گیانیان لێنەکەوتەوە.

رۆژی 8ـی مانگی ئابی 2024، فڕۆکە جەنگییەکانی تورکیا سێجار سنووری گوندی گەڵاڵەی سەر بەشارۆچکەی شارباژێریان بۆردوومانکردو لەوبارەیەوە رێکخراوی CPTـی ئەمریکی ئاماژەی بەوەکرد، بەهۆی بۆردوومانەکانەوە 25 دۆنم زەوی کشتوکاڵی هاونیشتمانیان سووتاوە.