ده‌نگوباس:

نوێنەرانی لقی کوردستانی عێراقی ڕێکخراوی سی پی تی ئەمریکی زانیارییه‌ك له‌باره‌ى هێرشه‌كانى توركیاو ئێران بۆسه‌ر هه‌رێمى كوردستان ئاشكراده‌كات‌و ڕاشیده‌گه‌یه‌نێت، "له‌ماوه‌ى 33 ساڵدا، 845 هاووڵاتى سڤیل بوونه‌ته‌ قوربانى‌و گیانیان له‌ده‌ستداوه‌".

لە کۆنگرەیەکی ڕۆژنامەوانیدا ژمارەی قوربانیانیان بەهۆی هێرشەکانی تورکیاو ئێرانەوە بۆ سەر هەرێمی کوردستان ئاشكراكرا، بەهۆی هێرشەکانی تورکیاو ئێرانەوە لەساڵی 1991 تا ناوەڕاستی ئەمساڵ 845 کەسی مەدەنی لەهەرێمی کوردستان بەئامانجگیراون.

 ڕێكخراوه‌كه‌ باسى له‌وه‌شكردووه‌، 702 کەس لەلایەن تورکیاوە بەئامانجگیراون‌و شەهیدو برینداربوون، هاوكات 143 کەسیش لەلایەن ئێرانەوە بەئامانجگیراون‌و شەهیدو برینداربوون، لەنێو قوربانییەکانیشدا کەسانی پێگەیشتوو، هەروەها ژن‌و منداڵیشیان تێدایه‌.