ئاناهیتا دووستدار، نینا گوڵستانی، ڕۆزیتا ڕەجایی، ئاناهیتا حیجازی و نگین عیدالەتخا، پێنج ژنی خەڵکی گیلان کە لە بوارەکانی میدیایی و ژینگەپارێزیدا چالاک بوون، لەلایەن دەزگای دادوەریی ڕژێمی ئێرانەوە بە کۆی گشتیی سزای زیاتر لە 20 ساڵ و حەوت مانگ بەندکرانیان بەسەردا سەپێندراوە.
بەپێی هەواڵە ناوخۆییەکانی ڕۆژهەڵاتی کوردستان و ئێران، پێنج ژنە چالاکوانی خەڵکی گیلان لەلایەن لقی سێی دادگای شۆڕشی شاری ڕەشت، بە ئاڕاستەکردنی دوو تۆمەتی جیاواز، سەرجەمیان زیاتر لە 20 ساڵ بەندکرانیان بەسەردا سەپێنراوە و بڕیارەکەی دادگاشیان بە فەرمی پێ ڕاگەیەندراوە.
ئاناهیتا دووستدار، نینا گوڵستانی، ڕۆزیتا حاجی، ئاناهیتا حیجازی و نگین عیدالەتخا، هەر یەک بە تۆمەتی “پێکهێنانی باند و گرووپ” سزای سێ ساڵ و شەش مانگ و یەك ڕۆژ بەندکران و بە تۆمەتی “چالاکی دژ بە حکومەت” سزای حەوت مانگ و 16 ڕۆژ بەندکرانیان بەسەردا سەپێندراوە.
#ڕۆژهەڵاتی_کوردستان