دەنگوباس
ئەنتۆنی بلینکن، وەزیری دەرەوەی ئەمریکا، لەمیانی بەشداریکردن لە لوتکەی G7 وادەی هێرشی ئێرانی بۆسەر ئیسرائیل ئاشکراکرد.
بلینکن بە ڕۆژنامەنووسانی وت، ئێران لەماوەی 24 بۆ 48 کاتژمێری داهاتوو هێرشدەکاتەسەر ئیسرائیل، بە دیاریکراویش لەمڕۆ دووشەممەوە.
بلینکن ڕوونی نەکردووەتەوە هێرشەکە ڕاستەوخۆ لەلایەن ئێرانەوە ئەنجامدەدرێت یان حزبووڵڵای لوبنانی.
وەزیری دەرەوەی ئەمریکا جەختی لەوەکردەوە، کە هەریەکە لە ئێران و حزبووڵڵا تۆڵە لە ئیسرائیل دەکەنەوە، بەڵام سروشتی تۆڵەکردنەوەکەی ئاشکرانەکردووە، هاوکات داوایکرد وڵاتان فشاری دیبلۆماسی بکەنە سەر ئێران، بۆئەوەی دۆخی ناوچەکە بەرەو گرژیی نەبات.