دەنگوباس
حیزبوڵڵای لوبنانی رایگەیاند، دەیان مووشەکی کاتیۆشای ئاراستەی ناوچەی بەیت هیلەلی باکووری ئیسرائیل کردووە، سوپای ئیسرائیلیش دەڵێت، بەرپەرچی نزیکەی 30 لەو مووشەکانەی داوەتەوە.
ئەم هێرشەی بەرەبەیانیی ئەمڕۆ بە وتەی حزبوڵڵا، لە تۆڵەی کوشتنی فوئاد شوکر، کەسایەتیی دووەمی بزووتنەوەکەدا نەبووە، بەڵکو لە بەرامبەر هێرشەکانی ئیسرائیل بووە بۆ سەر کەفەرکەلا و دێرسیریان لە باشووری لوبنان، کە تیایدا ژمارەیەک کەسی مەدەنی بریندارببوون.
مووشەکبارانەکە لەکاتێکدا دێت، ناوچەکە لەبەردەم ئەگەری هێرشی ئێران و حیزبوڵڵایە بۆ سەر ئیسرائیل، کە دەیانەوێت تۆڵەی کوژرانی فوئاد شوکر و ئیسماعیل هەنییە، سەرۆکی مەکتەبی سیاسیی حەماسی فەلەستینی بکەنەوە.
#ئیسرائیل