دەنگوباس
میدیاکانی نزیک لە سوپای پاسداران ئەمڕۆ پێنج شەممە بڵاویانکردەوە، ئاسمانی ئێران بە فەرمانی عەلی خامنەیی، ڕابەری باڵای شۆڕشی کۆماری ئیسلامی ئێران داخراوە.
میدیاکان باسیان لەوەکردووە، داخستنی ئاسمانی ئێران ئامادەکارییە بۆ ئەنجامدانی هێرش بۆسەر ئیسرائیل، ئەوەش وەك وەڵامدانەوەیەك بۆ کوشتنی ئیسماعیل هەنیە، بەرپرسی مەکتەبی سیاسی حەماس لە تاران لەلایەن ئیسرائیلەوە.
هاوکات ڕۆژنامەی نیویۆرك تایمز ئەوەی ئاشکراکردووە، بە فەرمانی خامنەیی، داوای ئەنجامدانی هێرشی ڕاستەوخۆ بۆسەر ئیسرائیل کراوە.
کۆتا جار کە ئێران ئاسمانی وڵاتەکەی داخست ڕۆژی 13ی نیسانی رابردوو بوو، کاتێک لە کاردانەوەی هێرشکردنەسەر کونسوڵخانەی ئێران لە سوریا، تاران هێرشیکردەسەر ئیسرائیل.
#ئێران
#ئیسرائیل