دەنگوباس
وەزارەتی بازرگانیی حکومەتی هەرێمی کوردستان ڕایگەیاند، لەماوەی شەش مانگی ڕابردوودا 80 هەزار ئۆتۆمبێل هاوردەی هەرێمی کوردستان کراوە.
لەگەڵ ئەوەی شارەزایانی بواری هاتووچۆ بەردەوام هۆشداریی دەدەن لەوەی هاوردەکردنی ئۆتۆمبێل بۆ هەرێمی کوردستان، شارەکانی دووچاری خنکانی هاتووچۆ کردووەتەوە، بەڵام لە ڕێگەی وەزارەتی بازرگانیەوە هاوردەکردنی ئۆتۆمبێل بەردەوامە.
ئەوەی بووەتە گرفت ئەوەیە، بەشێك لەو ئۆتۆمبێلانەی هاوردەکراون لێدراو یاخود ئۆتۆمبێلێکن کێشەیان تێدایە و "کلین تایتڵ" نین، ئەوەش وایکردووە هەمیشە لە پاش ڕووداوێکی هاتووچۆ، باس لەوە بکرێت ڕووداوە سەختەکان هەمیشە لەو ئۆتۆمبێلە هاوردەکراوانەدان کە کێشەیان تێدایە.