دەنگوباس
پۆلیسی سلێمانی رایگەیاند، تەرمی پیاوێک لەماڵەکەی خۆیدا دۆزراوەتەوە دوای توێکاری، دەرکەوتووە سێ رۆژە گیانیلەدەستداوە.
سەرکەوت ئەحمەد، وتەبێژی بەڕێوەبەرایەتیی پۆلیسی سلێمانی رایگەیاند، لەگەڕەکی زەرگەتە تەرمی پیاوێکی تەمەن 43 ساڵ دۆزراوەتەوە و دوای ئەوەی براوەتە پزیشکیی دادی و توێکاری بۆ کراوە، دەرکەوتووە، سێ رۆژە گیانیلەدەستداوە.
وتیشی، پیاوەکە بەتەنیا ژیاوە و کە مردووە کەس ئاگای لێی نەبووە، دوای ئەوەی بۆنەکەی بڵاوبووەتەوە دراوسێکانی چوونەتە ماڵەکەوە، ئەوانیش کەسوکارەکەیان ئاگادرکردووەتەوە.
#سلێمانی