دەنگوباس
وەزارەتی پەروەردەی عێراق لەبارەی ئەو خوێندکارانەی لە پۆلی یەک تاوەکو چواری سەرەتایی دەخوێنن و دەرنەچوون بڕیاریدا و پێنج نمرەشی بە خوێندکارانی پۆلە ناکۆتاکان بەخشی.
لە راگەیەندراوێکدا وەزارەتی پەروەردەی عێراق ئەوەی خستەڕوو، لە کۆبوونەوەی ئەمڕۆدا بڕیاردرا پێنج نمرە بۆ ئەنجامی کۆتایی خولی یەکەمی ئەمساڵی خوێندنی پۆلە ناکۆتان زیادبکرێت.
لەبارەی ئەو خوێندکارانەی لە پۆلی یەک تاوەکو چوار دەرنەچوون، وەزارەتی پەروەردەی عێراق دەڵێت: هەر لە کۆبوونەوەکەی ئەمڕۆدا دەنگدرا بە بڕیاری لێخۆشبوون لەو خوێندکارانە بۆ ساڵی خوێندنی 2023 – 2024 بەبێ گوێدانە ژمارەی ئەو بابەتانەی کە تێیدا دەرنەچوون.
وەزاروەتى پەروەردە باسی لەوە کرد، مەبەستیان هاندانی خوێندکارانە بۆ بەردەوام بوون لە خوێندن و گرنگیدانە بە لایەنی دەروونییان لە کاتێکدا لە سەرەتای ژیانی خوێندنیاندان.
#عێراق