دەنگوباس
عومەر عەلی هێرۆیی، فەرماندەی پارتی دیموکراتی کوردستان وازهێنانی لە ڕیزەکانی حزبەکەی ڕاگەیاند.
ئەو فەرماندە سەربازییەی پارتی لە نامەی دەستلەکارکێشانەوەکەیدا بۆ فەرماندەیی هێزەکانی خەبات وتویەتی "لەدوای هەوڵ و کۆشێکی بێ ووچان و تەرخان کردنی تەمەنی جوانیم، بۆ خزمەت کردنی رێباز و رێرەوی کوردایەتی و پارتایەتی بەداخەوە هەمووی بێ هودە بوو".
دەشڵێت "لەدوای دان بەخۆداگرتنێکی زۆر و گرنگی نەدان بە تێبینی و هەڵوێستی حیزبیانەی هەڤاڵە دلسۆزەکانی ئەم سنورە، گەیشتمە ئەو ڕایەی لە مەودوا هەموو هەوڵەکانم بۆ خزمەت کردنی خانەوادەکەم تەرخان بکەم و هەموو بەرپرسیاریتی و ئیمتیازو مومتەلەکاتی سەربازی رەت دەکەمەوە".
ئەو فەرماندە سەربازییە لە نامەی دەستلەکارکێشانەوەکەیدا ئەوەی خستووەتەڕوو، داوا دەکەم بەرپرسیاریەتی هێز بدرێتە ئەوکەسانەی کە لە بەرژەوەندی (٠٠٠٠٠٠٠هتد) کاردەکەن، داوای لێبوردن لەو هەڤاڵە دڵسۆزو خوێن گەرمانە دەکەم کەماوەیەکی دوور درێژ بەیەکەوە بەهەموو تێبنیەکەوە کارمان کردو خۆنەچەمانە هاوکارو پشتیوانم بوون".
#پارتی دیموکراتی کوردستان