سەرۆکی ناوەندی ستراتیژیی بۆ مافی مرۆڤ لە عێراق ڕایگەیاند، تەنیا لە چوار مانگی سەرەتای ئەمساڵدا، زیاتر لە 25 هەزار هاوسەر لە عێراق جیابوونەتەوە، تەنیا لەم دوو مانگی گەرمایەشدا زیاتر لە 10 هەزار هاوسەر جیابوونەتەوە.

فازل غەراوی، سەرۆکی ناوەندی ستراتیژیی بۆ مافی مرۆڤ لە عێراق لە میانی لێدوانێکی ڕۆژنامەوانیدا ڕایگەیاند، تەنیا لە چوار مانگی سەرەتای ساڵی 2024 لەدادگاکانی عێراق 25 هەزار و 536 حاڵەتی جیابوونەوەی هاوسەرەکان تۆمارکراوە.

بەوتەی غەراوی، لە وەرزی هاویندا ڕێژەی جیابوونەوەی هاوسەرەکان زیاتر بووە، ئەوەش بەهۆی بەرزبوونەوەی پلەکانی گەرما و زیادبوونی حاڵەتەکانی تووڕەیی هاوسەرەکان.

سەرۆکی ناوەندی ستراتیژیی بۆ مافی مرۆڤ لە عێراق باسی لەوەشکردووە، بەهۆی گەرماوە جەختە فشاری خوێن بەرز دەکاتەوە، بەوەش دۆخێکی ناجێگیری دەروونی دروستدەبێت و کاریگەریی نەرێنی لەسەر هاوسەرەکان دادەنێت.

#عێراق