بەرێوەبەرایەتى کەشناسیى هەرێمى کوردستان رایگەیاند رۆژانى جەژن پلەکانى گەرما بەرزدەبنەوە، هاوکات دەستەى کەشناسى عێراقیش هۆشدارى بە هاووڵاتیان دەدات.
بەڕێوەبەرایەتیی گشتیی کەشناسی و بوومەلەرزەزانیی هەرێمی کوردستان ئەمڕۆ شەممە رایگەیاند، پێشبینى دەکرێت رۆژانی جەژنی قوربان لە یەکشەممە تاوەکو کۆتایی هەفتە، ئاسمانى هەرێمی کوردستان لە نێوان ساماڵ و پەڵەهەوردا بێت، هەندێکجاریش نیمچەهەور بێت، پلەکانى گەرما دوو پلە و لەناوچەکانى گەرمیان سێ پلە بەرزتر ببنەوە.
هاوکات دەستەى کەشناسى عێراق رایگەیاندوە، رێنمایی هاووڵاتیان دەکەن لەکاتەکانى نیوەرۆدا چونەدەرەوەیان کەمبکەنەوەو راستەوخۆ نەچنە بەر تیشکى خۆر، چونکە لەوکاتەدا کاریگەرى تیشکى سەروبنەوشەیی زۆر بەرزە.
#عێراق
#باشووری_کوردستان