دەنگوباس
ڕاوێژکاری سەربازی
سەرۆکی هەرێمی کوردستان ڕایدەگەیەنێت کە هاوپەیمانان دەیانەوێت لە هاوکاریکردن و
پڕچەککرنی پێشمەرگە بەردەوام بن و ئەندامێکی لیژنەی ئاسایشی ئەنجومەنی نوێنەرانی
عێراق دەڵێت، لە ئایندەدا ڕۆڵی پێشمەرگە زیاتر دەردەکەوێت.
لیوا بابه‌كر زێباری،
ڕاوێژكاری سه‌رۆكی هه‌رێم بۆ كاروباری سه‌ربازی، بە ماڵپه‌ڕی فه‌رمی پارتی ڕاگەیاند:
كۆمه‌ڵی نێوده‌وڵه‌تی به‌تایبه‌ت هێزی هاوپه‌یمانان په‌یامێكی تازه‌یان داوه‌ته‌وه
هێزی پیشمه‌رگه كه پشتیوانی ئه‌م هێزه ده‌كه‌ن و پشتیوانی له چاكسازی وه‌زاره‌تی
پێشمه‌رگه ده‌كه‌ن، ئه‌مه زۆر گرنگه بۆ ئه‌م قۆناغه، جیا له‌وه‌ش پێشمه‌رگه
ڕۆڵی گرنگی هه‌یه له ڕووبه‌ڕووبوونه‌وه‌ی تیرۆر و پاراستنی ئارامیی ناوچه‌كه،
بۆیه پێشبینی دەکرێت هاوكاری هاوپه‌یمانان بۆ پێشمه‌رگه به‌رده‌وام بێت به‌تایبه‌ت
له چاكسازی و یه‌كسختنه‌وه‌ی هێزه‌كان و به‌رده‌وامی دان به هاوكاری هاوپه‌یمانان
و مه‌شق و ڕاهێنانی به پێشمه‌رگه.
وتیشی: خواست له‌لایه‌ن ئه‌ندامانی هێزی
هاوپه‌یمانان هه‌یه به‌م شێوه‌ی ئێستا هاوكاری پێشمه‌رگه بكرێت و پێشمه‌رگه
پڕچه‌ك بكرێت، له‌سه‌ر ئه‌م بنه‌مایه ئومێده‌وارین هه‌نگاوی داهاتووی پێشمه‌رگه
له‌ئاست ئه‌و خواسته‌ی كۆمه‌ڵگای نێده‌وڵه‌تی بێت و چاكسازییه‌كان خێراتر بكرێن.
لایخۆشیەوە سه‌گڤان سندی، جێگری سه‌رۆكی لیژنه‌ی
ئاسایش و به‌رگریی له ئه‌نجومه‌نی نوێنه‌ران بە ماڵپەڕەکەی ڕاگەیاند: به‌شێكی
زۆری ده‌وڵه‌تانی جیهان له‌م قۆناغه پێیان باشه هاوپه‌یمانان هاوكاری بۆ پێشمه‌رگه
خێراتر بكه‌ن و له‌گه‌ڵ پێشمه‌رگه بمێننەوە بۆ ته‌واوكردنی ئه‌ركه‌كان، جیا له‌وه‌ش
پێویسته قۆناغی داواكاری پیشمه‌رگه بۆ ئه‌م قۆناغه بگۆڕێت به‌وه‌ی چه‌كی زیاتر
و جۆریی بدرێته پێشمه‌رگه.
ئه‌وه‌شی خسته‌ڕوو: پێشمه‌رگه توانای ئیداره‌دان
و پاراستنی ئارامیی ناوچه‌كه‌ی هەیه، بۆ داهاتووش كه جوڵه‌ی جیهان به ئاڕاسته‌ی
عێراق و كوردستانه وه‌ك ڕێگەی تازه‌ی گه‌شه‌ی ئابووری جیهان، ڕۆڵی پێشمه‌رگه
زیاتر ده‌ردەكه‌وێت.
#پێشمەرگە
#باشووری کوردستان