دەنگوباس:
وتەبێژی حكومەتی هەرێم ڕایدەگەیەنێت، هیچ
بەربەستێك لەبەردەم ناردنی مووچەی هێزە ئەمنییەكان نەماوە و دوای جەژن مووچەیەكی
دیكەی هێزە ئەمنییەكان خەرجدەكرێت.
پێشەوا هەورامانی وتەبێژی حكومەتی هەرێم لە
كۆنفرانسێكی ڕۆژنامەوانیدا ڕایگەیاند: داواكارییەكانی بەغداد بۆ ناردنی مووچەی
هێزە ئەمنییەكان جێبەجێكراون و ڕێككەوتن كراوە و هیچ بەربەستێك لەبەردەم ناردنی
مووچەی هێزە ئەمنییەكان نەماوە.
وتەبێژی حکومەتى هەرێم وتیشی:
چاوەڕواندەكرێت دوای جەژن مووچەیەكی دیكەی هێزە ئەمنییەكان خەرجبكرێت.
هەروەها وتەبێژی حکوومەتی هەرێمی کوردستان باسی لەوەشکرد، بەبۆنەی
جەژنی قوربانی پیرۆزەوە، یەک هەفتە لە سەرجەم دامودەزگاکانی حکوومەتی هەرێمی
کوردستان پشوو دەبێت و ڕۆژی یەکشەممە (23ـی حوزەیرانی 2024) دەوامی ئاسایی لە
دامودەزگاکانی حکوومەتی هەرێمی کوردستان دەست پێدەکاتەوە.
#باشووری کوردستان
#حکومەتی هەرێمی کوردستان