دەنگوباس
دادگای تاوانه‌كانی كه‌رخ لەبەغدا سزای له‌سێداره‌دانی بۆ تاوانبارێك ده‌ركرد، كه تاوانباربووە بە ئەنجامدانی جینۆساید دژ به هاووڵاتیانی ئێزدیی.
دادگای کەرخ لە ڕاگەیەنراوێکدا ئەمڕۆ سێشەممە بڵاویکردەوە، تاوانباره‌كه له‌گه‌ڵ ئه‌ندامانی دیکەی داعش، ژماره‌یه‌ك هاووڵاتی ئێزدیی کوشتووە و دواتر لەگۆڕێکی ناون، ئەو تاوانبارە ڤیدیۆی کوشتنەکەی گرتووه‌و له تۆڕه كۆمه‌ڵایه‌تییه‌كانی سه‌ربه گروپه تیرۆرستییه‌كان بڵاویكردووته‌وه.
دادگای کەرخ دەڵێت، تاوانبار لەهەمان کاتدا تۆمەتبارکراوە بە هێرشكردنه‌سه‌ر هێزه ئه‌منییه‌كان له پارێزگاكانی نه‌ینه‌واو سەڵاحه‌دین.
هەر بۆیە به‌گوێره‌ی یاسای به‌ره‌نگاربوونه‌وه‌‌ی تیرۆر ژماره 13ی ساڵی 2005و ئاماژه‌دان به یاسای ژنانی رزگاربووی ئێزدیی ئەو تاوانبارە بە لەسێدارەدان سزادراوه.
#عێراق