دەنگوباس
وەزیری ناوخۆی ئێران ژمارەی ئەو کەسانەی ئاشکراکرد، کە تا ئێستا خۆیان بۆ پۆستی سەرۆك کۆماری ئێران کاندید کردووە.

ئەحمەد وەحیدی، وەزیری ناوخۆی ئێران ئەمڕۆ سێشەممە ڕایگەیاند، وادەی ناو تۆمارکردن بۆ پۆستی سەرۆك کۆماری ئێران کۆتاییهات، تا ئێستا 80 کەس خۆیان بۆ ئەو پۆستە کاندید کردووە.

بەوتەی وەحیدی، بانگەشەی هەڵبژاردن بۆ كاندیدانی هەڵبژاردنی سەرۆك كۆماری ئێران لە 12ـی حوزەیران دەستپێدەكات و بۆ ماوەی 16 ڕۆژ بەردەوام دەبێت.

وەزیری ناوخۆی ئێران باسی لەوەشکردووە، "ئەنجوومەنی پارێزەران، كە لە 12 ئەندام پێكدێت، لەماوەی حەوت ڕۆژدا كاردەكات بۆ قبوڵکردن یان ڕەتكردنەوەی كاندیدەكان، هەروەها لە 11ـی حوزەیران لیستی ئەو كاندیدانە بڵاودەكاتەوە كە قبوڵکراون بۆ كاندید بوون".


#ئێران