دەنگوباس
میدیای فەرمیی سووریا بڵاویکردەوە، بەرەبەیانی ئەمڕۆ دووشەممە هێزی ئاسمانیی ئیسرائیل ژمارەیەک هێرشی کردە سەر شاری حەلەب و کوژراو هەیە. 
 
ئاژانسی هەواڵی فەرمیی سووریا زانیاریی زیاتری نەخستووەتەڕوو بەڵام دەڵێت: "هێرشەکە دوژمنکاریی بووە، بەهۆیەوە ژمارەیەک کەس کوژراون و زیانی ماددیشی لێکەوتووەتەوە".
 
لەلایەکی دیکەوە بەشێك لە میدیاکانی سووریا ئاشکرایانکردووە، لە هێرشەکەدا 12 سەربازی حکومەتی سووریا کوژراون. 
 
هاوکات هێرشەکان باشووری رۆژهەڵاتی حەلەبیان کردووەتەوە ئامانج، تاوەکو ئێستا ئیسرائیل بەرپرسیارێتیی خۆی لە هێرشەکان رانەگەیاندووە بەڵام حکومەتی سووریا ڕاستەوخۆ ئیسرائیلی تۆمەتبارکرد. 


#ئیسرائیل
#سووریا