دەنگوباس
مەکتەبی سیاسی پارتی دیموکراتی کوردستان بڕیاریداوە ناوەڕاستی مانگی 10 هەڵبژاردن بکرێت
لەکۆبوونەوەی مەکتەبی سیاسی پارتی دیموکراتی کوردستان بڕیاردراوە، ئەو حزبە بەشداریی لە هەڵبژاردن بکات.
ئەمڕۆ یەکشەممە ئاری هەرسین، بەرپرسی لقی چواری پارتی لە سلێمانی ڕایگەیاند، حزبەکەی بەشداریی لە هەڵبژاردنی خولی شەشەمی پەرلەمانی کوردستان دەکات.
لەکۆبوونەوەی هەفتەی ڕابردووی مەکتەبی سیاسی پارتی بەسەرۆکایەتی مەسعود بارزانی، بڕیاردراوە ناوەڕاستی مانگی 10 هەڵبژاردنی پەرلەمانی کوردستان ئەنجامبدرێت.
هاوکات کۆمسیۆنی باڵای هەڵبژاردنەکانی عێراق بە نووسراوێکی فەرمی پێشنیازیکردبوو، ڕۆژی پێنجی ئەیلوول هەڵبژاردنی پەرلەمانی کوردستان بەڕێوەبچێت، بەڵام تا ئێستا سەرۆکایەتی هەرێمی کوردستان وەڵامی نوسراوەکەی کۆمسیۆنی نەداوەتەوە.
#پارتی دیموکراتی کوردستان