دەنگوباس

بەڕێوەبەرایەتی گشتی کارەبای سلێمانی نرخی كارەبای موەلیدەی بۆ سیتییەكان دیاری كرد، كە 250 دینارە بۆ هەر كیلۆواتێك.

بەڕێوەبەرایەتی گشتی کارەبای سلێمانی لە ڕاگەیەنراوێكدا ئاماژەی بەوەكرد، نرخی کارەبای موەلیدەی سیتییەکان لە سنووری سلێمانی بۆ مانگی ئایار دیاری کرا و بڕی 250 دینار بۆ هەر کیلۆواتێک دەبێت.

ئەوەشی خستەڕوو، بەگوێرەی نرخی گازوایل لە بازاڕ و ئەو توێژینەوەیەی بۆ خەرجیی موەلیدەی سیتییەكان ئامادەكراوە نرخی كیلۆوات ئاوەڕێك كارەبای مۆلیدەی ستییەكان بۆ ئەم مانگە بریتییە لە (250) دینار.

ڕاشیگەیاند، پێویستە سەرجەم سیتییەکانی سنووری پارێزگای سلێمانی پابەندبن بە نرخەکەوە، بەپێچەوانەوە ئەگەر زیاتر لەو نرخە وەربگرن ڕووبەڕووی ڕێکاری یاسایی دەکرێنەوە.

ئەمە لەكاتێكدایە، كە مانگی ڕابردوو نرخی کیلۆواتێک کارەبای موەلیدەی ستییەکان لە سنووری سلێمانی 252 دینار بوو .