دەنگوباس

بە گومانی ئەنجامدانی شەڕەکەڵەشێر، حەوت کەس لە ئامەدی باکووری کوردستان دەستگیر کران و ٤٦ کەسیش کە تاوانەکەیان لەسەر ساغ بووەتەوە، بە ٢٩٥ هەزار و ٤٧٠ لیرە سزا دران.

تیمەکانی سەر بە ئاسایشی شارۆچکەی باغلار لە ئامەد، لەسەر بنەمای زانیارییەکی ڕێکخراوی کەڵەشێر پارێزی ناوچەکە، دەستیان بە هەڵمەتێک کرد دژ بەو کەسانەی کە شەڕە کەڵەشێر ڕێک دەخەن.

تیمەکانی پۆلیس کە خۆیان وەک سەیرکەر نیشان دابوو، ئەو کەسانەیان دەستنیشان کرد کە شەڕەکە ڕێکدەخەن و ئەوانەشی کە گرەو لەسەر شەڕە کەڵەشێر دەکەن.

هێزەکانی پۆلیس لەم هەڵەمەتەدا، دەستیان گرت بەسەر ١٦ کەڵەشێر و بەناو ئەو کاسەی کە بۆ پاڵەوانییەکە دیاری کرابوو و لەم پەیوەندییەشدا حەوت کەسیان دەستگیر کرد، ٤٦ کەسیش کە تاوانەکەیان لەسەر ساغ بووەتەوە، بە ٢٩٥ هەزار و ٤٧٠ لیرە سزا دران.