دەنگوباس
پۆلیسی دهۆک ڕایگەیاند، منداڵێکی تەمەن 9 ساڵان بە گولـلە کوژراوە و سێ کەسیش لەسەر ڕووداوەکە دەستگیر کراون.
هێمن سلێمان، وتەبێژی پۆلیسی دهۆک ڕاگەیاند، لەیەکێک لە گەڕەکەکانی دهۆک منداڵێکی لەدایکبووی ساڵی 2015 کوژراوە و دەستبەجێ تیمەکانی
پۆلیس گەیشتوونەتە شوێنی رووداوەکە و سێ کەسیان دەستگیرکردووە و چەکێکی جۆری M4ـیشیان پێبووە.
وتیشی، ئەو سێ کەسەی دەستگیرکراون مێردمنداڵن و لەگەڵ کوژراوەکە خزمی یەکترین و یەکێکیان دانی بەوەداناوە کە بەهەڵە تەقەیان کردووە و بەر ئەو منداڵە کەوتووە.
#باشووری کوردستان