دەنگوباس
ئەمڕۆ لە سنووری قەزای ئامێدی لە پارێزگای دهۆک، شەڕێکی قورس لە نێوان پەکەکە و سوپای تورکیا ڕوویدا، هاوکات هیچ وردەکارییەک لەبارەی شەڕەکەوە بڵاونەکراوەتەوە.
نیوەڕۆی ئەمڕۆ گەریلاکانی پارتی کرێکارانی کوردستان لە سنووری سۆرا سێگرێ لەنزیک گوندەکانی سەرگەلی، کوانێ و مێرستەکا لە چیای مەتینا هێرشیان کردووەتەسەر سەربازگەیەکی سوپای تورکیا و بەگوێرەی زانیاریی دانیشتووانی ناوچەکە، شەڕێکی قورس ڕوویداوە.
ئەمەش لە کاتێکدایە، لە ماوەی ڕابردوودا سوپای تورکیا ڕایگەیاندبوو، نۆ سەربازییان لەو ناوچەیەدا کوژراوە.
هاوکات ڕۆژى پێنجشەممە، وەزارەتی بەرگریی تورکیا هەواڵی کوژرانی سەربازێکی سوپاکەی لە ناوچەی ئۆپراسیۆنی پەنجە کلیل لە هەرێمی کوردستان ڕاگەیاندبوو.
#باشووری کوردستان