دەنگوباس

دەسەڵاتی باڵای حەج و عومرەی عێراق لە ڕاگەیەندراوێکدا بڵاویکردەوە، تا ئێستا زیاتر لە نۆ هەزار حاجی گەیشتوونەتە سعودیە و 27ی ئەم مانگەش یەكەم كاروانی حاجیانی هەرێم بەرەو سعودیە بەڕێدەكەون.

بەپێی راگەیەندراوێكی دەستەی حەج و عومرەی عێراق، تا ئێستا نۆ هەزار و 384 حاجی عێراقی لەڕێی وشكانی و ئاسمانییەوە گەیشتوونەتە مەككە و مەدینە بۆ بەجێگەیاندنی فەریزەی حەج.

هاوکات پشكی عێراق بۆ وەرزی ئەمساڵی حەج، 33 هەزار و 690 حاجییە، پشكی هەرێمی كوردستانیش دەكاتە چوار هەزار و 685 حاجی و رۆژی 27 مانگ یەكەم كاروانیان لەڕێگەی وشكانییەوە بەڕێدەكەون و 29ی مانگیش دووەم كاروانیان لە ڕێگەی فڕۆكەوە بۆ سعودیە بەڕێدەكەون.