دەنگوباس
کارگەیەکی غاز لە رێگەی هەولێر - کەرکووک ئاگری گرت و بەهۆیەوە سێ كەس برینداربوون، دواتر لەلایەن تیمەکانی بەرگری شارستانی هەولێرەوە توانرا کۆنترۆڵ بکرێت.
وتەبێژی بەڕێوەبەرایەتیی بەرگریی شارستانیی هەولێر ڕایگەیاند، ئاگرەكەی كارگەی غاز لەسەر رێگای هەولێر - كەركوك كۆنترۆڵكراوە بەهۆیەوە سێ كەس برینداربوون.
شاخەوان سەعید وتەبێژی بەڕێوەبەرایەتیی بەرگریی شارستانیی هەولێر لە لێدوانێكی ڕۆژنامەوانیدا ڕایگەیاند، ئاگرەكەی ناو كارگەی غاز لەسەر رێگای هەولێر - كەركووك لە ماوەی یەك كاتژمێردا كۆنترۆڵكرا و زیاتر لە 15 تیمی بەرگریی شارستانی لە ئەركدا بوون.
ئاماژەی بەوەشکرد، بەهۆی ڕووداوەكەوە پاسەوانی كارگەكە و براكەی و شۆفێری بارهەڵگرێك بە سووكی برینداربوون.
#باشووری کوردستان