دەنگوباس
دەستەی باڵای حەج و عومرەی عێراق بڵاویکردەوە، یەکەم کاروانی حاجییان کە بەڕێگەی وشکانی بەمەبەستی حەج بەڕێکەوتبوون، گەیشتنە شاری مەدینەی سعودیە.
دەستەی باڵای حەج و عومرەی عێراق ڕایگەیاند، كە ئەمڕۆ پێنجشەممە یەكەم كاروانی حاجییانی عێراق گەیشتە وڵاتی سعودییە، بڕیارە چەند رۆژێكی دیكە یەكەم كاروانیش لە هەرێمی كوردستان بەرەو ماڵی خودا بەڕێ بكەون.
بە گوێرەی بەڕێوەبەرایەتیی گشتیی حەج و عومرەی کوردستان، 27ی ئەم مانگە، یەکەم کاروانی حاجییانی هەرێمی کوردستان بە ڕێگەی ئاسمانی بەرەو سعودیە بەڕێدەکەون و یەکەم کاروانی ڕێگەی وشکانیش لە 29ی مانگ بەرێدەکەون بە مەبەستی بەجێگەیاندنی فەریزەی حەج کە ژمارەیان 4 هەزار و 685 حاجییە.
#عێراق