دەنگوباس

غەریب ئەحمەد ئەندامی ئەنجوومەنی نوێنەرانی عێراق ڕایگەیاند، دەنگدان لەسەر درێژكردنەوەی تەمەنی كۆمسیۆنی باڵای هەڵبژاردنەکانی عێڕاق بۆ چوارشەممە 22ی ئایار دواخرا.

ئاماژەی بەوەکرد، ڕۆژی چوارشەممە دەنگ لەسەر درێژکردنەوەی کۆمسیۆن بدرێت، ئەوا كۆمسیۆن بۆ شەش مانگ تەمەنی درێژ دەكرێتەوە واتە تا 1ی کانوونی دووەمی 2025، دەبێت لە ماوەی ئەو شەش مانگەدا هەڵبژاردنی پەرلەمانی کوردستان ئەنجامبدرێت و خولێکی نوێی پەرلەمانی دەستبەکاربێت.

ڕوونیکردووەتەوە، ئەگەر لایەنە حزبی و سیاسییەکانی هەرێم نەتوانن لە ماوەی ئەو شەش مانگەدا هەڵبژاردن ئەنجام بدەن، ئەوا مەترسی دەکەوێتە سەر ئەم کابینەیەی حکومەتی هەرێم و ” فاتیحا بۆ حكومەتی یاسایی هەرێم بخوێنن”.