دەنگوباس

بەڕێوەبەرایەتی گشتی تەندروستی سلێمانی ڕایگەیاند، سبەینێ‌ دواین وادەیە بۆ حاجییان بە مەبەستی ئەنجام دانی پشكنینی پزیشكی.

سامان شێخ لەتیف، وتەبێژی بەڕێوەبەرایەتی گشتی تەندروستی سلێمانی ڕایگەیاند، سەرجەم ئەو هاووڵاتییانەی شاری سلێمانی، كە ناویان نووسیوە بۆ ئەنجامدانی فەریزەی حەجی ئەمساڵ، سبەینێ 2024/5/20 دواین وادەیە بۆئەوەی سەردانی بەرێوبەرایەتی خۆپاراستنی سلێمانی بكەن بۆ ئەنجامدانی پكشنینی پزیشكی پێویست.

ڕاشیگەیاند، پێش ئەوەی گەشت بكەن بەرەو وڵاتی سعودیە بۆ بەجێهێنانی فەریزەی حەج ئەو پشكنینەیان دەبێت ئەنجام دابێت.

بڕیارە لە ٢٧ی ئایاری ٢٠٢٤ەوە یەکەم کاروانی حاجیانی هەرێمی کوردستان بە ڕێگەی ئاسمانی بەرەو سعودیە بەڕێ بکەون و لە ٣٠ی ئایار كۆتایی دێت، بە ڕێگەی وشکانیش لە 29ی ئایار بەڕێ بکەون بە مەبەستی بەجێگەیاندنی فەریزەی حەج، کە ژمارەیان ٤٦٨٥ حاجییە.