دەنگوباس
وەزیری تەندروستی لەبارەی دامەزراندنی دەرچووانی بەشە پزیشکییەکانەوە ڕایگەیاند، چەندین جار داواکارییمان پێشکەشکردووە، بەڵام قەیرانی دارایی ڕێگرە لە دامەزراندنیان".
سامان بەرزنجی، وەزیری تەندروستیی حكومەتی هەرێمی کوردستان لە لێدوانێکی ڕۆژنامەوانییدا ڕایگەیاند، هەرچەندە پێویستمان بە میلاكی نوێ هەیە و سەرباری ئەوەی چەندین جار داواکاریمان پێشکەشکردووە، بەڵام قەیرانی دارایی ڕێگربووە لە دامەزراندنی دەرچووانی بەشە پزیشكییەكان.
ئاماژەی بەوەشکرد، لە ساڵی 2014 ەوە و لە دوای دروستبوونی قەیرانی داراییەوە بە هۆکاری جیاواز زیاتر لە هەشت هەزار کورتهێنان دروستبووە لە میلاک، پێویستیمان بە دەرچووانی تازەی بەشە پزیشکییەکان هەیە.
ئەمەش لەكاتێكدایە، زیاتر لە 13 هەزار دەرچووی بەشە پزیشكییەكان لە سنووری سلێمانی و بەكۆی گشتی 26 هەزار دەرچوو لە چاوەڕوانی دامەزراندنن، بەڵام حكومەت ئامادە نییە دایان بمەزرێنێت.
#باشووری_کوردستان