دەنگوباس
وەزیری بازرگانی و پیشەسازی پێشوازی لە کۆمپانیای فرامۆی ئەڵمانی کرد، کە بەمەبەستی دامەزراندنی کارگەی دروستکردنی ئۆتۆمبێل لە حەوت تۆنی تا سی تۆنی لە هەرێمی کوردستان هاتبوون.
ئەمڕۆ پێنجشەممە، وەزارەتی بازرگانی و پیشەسازی حکومەتی هەرێم بڵاویکردەوە، ڕۆژی 15ی ئایار کەمال موسلیم وەزیری بازرگانی و پیشەسازی پێشوازی لە کۆمپانیای فرامۆی ئەڵمانی کرد کە بەمەبەستی دامەزراندنی کارگەی دروستکردنی ئۆتۆمبێل سەردانیهەرێمی کوردستانیان کرد.
ئاماژە بەوەکراوە، کارگەکە تایبەتە بە دروستکردنی ئۆتۆمبێلی حەوت تەنی تا سی تەنی لە هەرێمی کوردستان،
ئەوەش خراوەتەڕوو، وەزارەتی بۆ ئەم مەبەستە ڕێنمایی پێویست لەبارەی دامەزراندنی کارگە لە هەرێمی کوردستان و کارئاسانی و هاوکاری وەزارەت درایە کۆمپانیای ناوبراو.
هەر لە دیدارەکەدا وەزیری بازرگانی و پیشەسازی وتی، پشتیوان و هاوکاری هەر کەس ولایەنێک دەبین کە کار بۆ پێشخستنی کەرتی پیشەسازی بکات بە ئامانجی بەرزکردنەوەی ئابووری هەرێمی کوردستان.
#باشووری کوردستان