دەنگوباس
ئێوارەی ئەمڕۆ شاندی حکومەتی هەرێم گەیشتە بەغدا، هاوکات وەزارەتی دارایی و ئابووری هەرێم ڕایگەیاند، "سبەینێ دەست بە دابەشکردنی مووچە دەکرێت".
وەزارەتی دارایی و ئابووری حکومەتی هەرێم ڕایگەیاند، نیوەڕۆی ڕۆژی سێشەممە، نزیکەی ١٦٨ ملیار دینار بە سێ گوژمە وەک شایستەی مووچەی مانگی نیسانی خانەنشینانی مەدەنی و سەربازی و کەسوکاری شەهیدان و ئەنفالکراوان و خاوەن پێداویستییە تایبەتەکانی هەرێمی کوردستان لەلایەن وەزارەتی دارایی حکومەتی فیدراڵەوە خرایە سەر هەژماری بانکی وەزارەتی دارایی و ئابوری هەرێمی کوردستان لە لقی هەولێری بانکی ناوەندی عێراق.
ئاماژەی بەوەکرد، سبەینێ چوارشەممە ١٥ ی ئایاری ٢٠٢٤ دەست بەدابەشکردنی مووچەی مانگی نیسان دەکرێت و مووچەی ئەو چین و توێژانە دابەش دەکرێت کەلە بەغداوە پارەکانیان گەیشتووە.
ئەمەش لە کاتێکدایە، بەپێی راگەیەندراوێكی وەزارەتی دارایی هەرێم، ئێوارەی ئەمڕۆ سێشەممە شاندێکی هەرێمی كوردستان بە سەرۆكایەتیی ئاوات شێخ جەناب وەزیری دارایی و ئابووریی هەرێم گەیشتە بەغدا، ئامانج لەسەردانەكە گفتوگۆكردنە لەسەر هەمواری خشتەكانی یاسای بودجە و چارەسەركردنی ئەو گرفتانەی لە كاتی هەمواری یاساكە بۆ پشكی هەرێم دروستدەبێت.
هەر لە راگەیەندراوەكەدا هاتووە، ئامانج لە سەردانەكە گفتوگۆكردنە لەسەر هەمواری خشتەكانی یاسای بودجە و چارەسەركردنی ئەو گرفت و ئاستەنگانەی لە كاتی هەمواری یاساكە بۆ پشكی هەرێمی كوردستان دروستدەبێت.
#باشووری_کوردستان