دەنگوباس
کەناڵى سکای نیوز لە ڕاپۆرتێکدا باس لە بارودۆخى کۆچبەرانى بەریتانیا دەکات و گفتوگۆى لەگەڵ کۆچبەرێکى کورد کردووە بە ناوى عومەر، کە بڕى 15 هەزار دۆلارى خەرج کردووە بۆ گەیشتن بە بەریتانیا، بەڵام ئێستا گەڕاوەتەوە بۆ فەڕەنسا.
عومەر بۆ سکای نیوز باسی لەوەکردووە، کە بۆ ماوەى 20 مانگ لە بەریتانیا بووە، بەڵام تووشى جەڵتە بووە، هەروەها کەیسى پەنابەرییەکەى ڕەتکراوەتەوە بەوهۆیەوە بەبڕى 500 پاوەن لە ڕێگەى قاچاخچییەکانەوە گەڕاوەتەوە بۆ کامپەکانى فەڕەنسا.
ئەو کۆچبەرە کوردە باس لەوە دەکات بڕیاربووە دەستگیرم بکەن و ڕەوانەى ڕواندام بکەن، بەڵام ناتوانم بچمە ڕواندا، لەبەرئەوە گەڕامەوە بۆ فەڕەنسا.
جێی سەرنجە، کەناڵى ئینگلیز ئاوێکى زۆر ساردى هەیە و کۆچبەران لەبارودۆخێکى زۆر سەخت و بەخێرایى دەخرێنەسەر چووپە بەلەکەمان، بەشێوەیەک کە چووپە بەلەمێک نزیکەى 70 کەسى دەخرێتەسەر.
#باشووری_کوردستان