دەنگوباس
ئەمڕۆ ئاسۆ شێخ ته‌ها، به‌ڕێوه‌به‌ری پۆلیسی پارێزگای سلێمانی به‌یاوه‌ری چه‌ند ئه‌فسه‌رێكی پله‌باڵا سه‌ردانی فەرماندەیی هێزەکانی كۆماندۆی كوردستانیان كرد.
پۆلیسی سلێمانی ڕایگەیاند، "مه‌به‌ستی سه‌ردانه‌كه هه‌ماهه‌نگی و هاوكاریكردنی هێزه‌كان بوو به‌مه‌به‌ستی راگرتنی ئارامی و ئاسایشی شاری سلێمانی".
ئەم سەردانە دوای ئەوە هات کە کۆتایی مانگی ڕابردوو تۆمەتبارێکی سەر بە هێزەکانی کۆماندۆ لە میانی ڕووبەڕووبوونەوەی لەگەڵ پۆلیسی سلێمانی بە سەختی بریندار بوو و ڕۆژی 27ی نیسان لە نەخۆشخانە گیانی لە دەست دا.
#باشووری_کوردستان