دەنگوباس
فەرمانبەرانی گرێبەست سبەینێ لەبەردەم ئەنجوومەنی وەزیرانی هەرێم خۆپیشاندان ئەنجامدەدەن، داوا دەكەن بكرێنە فەرمانبەری هەمیشەیی.
گرووپی فەرمانبەرانی گرێبەست لە كوردستان لە بانگەوازێكدا ڕایانگەیاندووە، سبەینێ دووشەممە لە كاتژمێر 10ی بەیانی لە بەردەم ئەنجوومەنی وەزیرانی هەرێم لە بەرامبەر پاركی سامی عەبدولڕەحمان لەسەر شەقامی 60 مەتری هەولێر، دەست بە گردبوونەوە و خۆپیشاندان دەكەن.
ئاماژەیان بەوەكردووە، خۆپیشاندانەكەیان بۆ بەدەستهێنانی مافی خۆیانە لە بە هەمیشەیی بوون.
گرووپی فەرمانبەرانی گرێبەست داوا لە سەرجەم فەرمانبەرانی گرێبەست دەكات لە شار و شارۆچكەكان، بەشداری لەو خۆپیشاندانە بكەن و دەڵێن، “لەپێناو ئەوەی کێشەکەمان بۆ چوار شەممە بخرێتە بەرنامەی كاری كۆبوونەوەی ئەنجوومەنی وەزیرانەوە”.
جەختیشیان كردووەتەوە، “تكایە بەشداری بکەن و پەیوەندی بکەن بە نوێنەرەکانەوە تا هەر شار و شارۆچکەیەک پێکەوە پاس بگرن”.
#باشووری_کوردستان