دەنگوباس
ئەو هاووڵاتییەی خەڵکی كەركووك کە بەهۆی تووشبوون نەخۆشی تای خوێنبەربوون لە سلێمانی خرایە ژێر چاودێری تەندروستییەوە، دوای 10 ڕۆژ چاكبووەوە و نەخۆشخانەی جێهێشت.
بەڕێوەبەرایەتی تەندروستی سلێمانی لە ڕاگەیەندراوێکدا بڵاویکردەوە، لە ماوەی چەند ڕۆژی ڕابردوودا هاووڵاتییەكی تەمەن ۲۳ ساڵی دانیشتووی پارێزگای کەرکووك کاتژمێر ۳ شەو سەردانی بەشی فریاکەوتنی نەخۆشخانەی شار دەکات، کە تەندروستی ناجێگیرە.
ئاماژەی بەوەکرد، دوای ئەنجامدانی پشکنینە سەرەتاییەکان و دەرکەوتنی نیشانەکانی کە هەمان نیشانەی تای خوێنبەربوونە، ڕاستەوخۆ دەخرێتە قاوشی تایبەت و جیاکراوە و پشکنینی تایبەتی لێ وەردەگێرێت و دەنێرێت بۆ تاقیگەی تەندروستی ناوەندی لە بەغدا دوای گەڕاندنەوەی ئەنجامەکان دەرکەوت ئەو هاووڵاتییە تووشبووی ڤایرۆسی تای خوێنبەربوونە، ڕاستەوخۆ دەستکرا بە چارەسەرەکانی بەپی پرۆتۆکۆڵی زانستی.
ئەوەشی خستەڕوو، دوای وەرگرتنی چارەسەر بۆ ماوەی ۸ ڕۆژ ئەمڕۆ بە تەندروستیەکی باشەوە ڕەوانەی ماڵەوە کرایەوە.
#باشووری_کوردستان