دەنگوباس
جێگری بەڕێوەبەری ئۆفیسی سەرۆکی حکومەتی هەرێمی کوردستان ڕایگەیاند، ئامانجی سەرەکی پرۆژەی “هەژماری من” ئەوەیە هاووڵاتییان سەرپشک بن لە هەڵبژاردنی بانكەكان.
عەزیز ئەحمەد، جێگری بەڕێوەبەری ئۆفیسی سەرۆکی حکومەتی هەرێمی کوردستان لە تۆڕی کۆمەڵایەتیی ئێکس بڵاویکردەوە، ئامانجی سەرەکی ئێمە لە پرۆژەی “هەژماری من” ئەوەیە کە هاووڵاتییان سەرپشک بن لە هەڵبژاردنی ئەو بانکانەی کە دەیانەوێت مامەڵەی لەگەڵدا بکەن.
ئاماژەی بەوەشکرد، لەم بابەتەدا نامانەوێت نە قۆرخکاریی بەغدا هەبێت نە هی حکومەتی هەرێمی کوردستان، بەڵکو بە پێچەوانەوە، دەمانەوێت زۆرترین بژاردە لە بانکە حکومی و ئیسلامی و نیودەوڵەتی و تایبەتەکان بخەینە بەردەستی هاووڵاتییان.
#باشووری_کوردستان