دەنگوباس

وتەبێژی وەزارەتی کارەبای هەرێم ڕایگەیاند،  دۆخی کارەبا ئاسایی بووەتەوە، لە 15 بۆ 18 کاتژمێر کارەبا بە هاووڵاتییان دەدرێت.

ئەمڕۆ هەینی، ئومێد ئەحمەد، وتەبێژی وەزارەتی کارەبای هەرێم ڕایگەیاند، دۆخی کارەبا ئاسایی بووەتەوە، کاتەکانی پێدانی کارەبا لە هەندێک شوێن لە 18- 19 کاتژمێر نزیک بووەتەوە و کەمترین پێدانیش 15- 16 کاتژمێرە.

ئەمەش لە کاتێکدایە، ئێوارەی هەینی ٢٦ی نیسانی ٢٠٢٤، لە ڕێگەی درۆنەوە هێرشکرایە سەر کێڵگەی غازی کۆرمۆر لە چەمچەماڵ ودوای ئەوەش وەزارەتی کارەبا ڕایگەیاند، ناردنی گاز بۆ وێستگەكانی بەرهەمهێنانی کارەبا راوەستاوە و بەهۆیەوە نزیکەی ٢٥٠٠ مێگاوات کارەبا کەم بووەتەوە.