دەنگوباس

بەڕێوەبەرایەتی ئەوقافی هەولێر ڕایگەیاند، ئەنجامدانی چەند كارێك دەچێتە خانەی فێڵ كردن و بەتاوان هەژمار دەكرێت و سزای لەسەرە.

ھۆبەی یاسایی بەڕێوەبەرایەتی ئەوقافی ھەولێر لە ڕاگەیەنراوێكدا ئاماژەی بەوەكرد، بەپێی ڕێنمایی وەزارەتی ئەوقاف و کاروباری ئایینی ژمارە (١)ی ساڵی ٢٠٢٣ ئەنجامدانی چەند كارێك دەچێتە خانەی فێڵکردن و سزای یاسایی لەسەرە.

سەبارەت بە كارە قەدەغەكراوەكان، ئەوقاف ڕوونیكردەوە:
یەکەم، بەکارھێنانی دەستەواژەی شێخ، مەلا، قەشە، بانگخواز، پزیشکی ئاینی و ھاوشێوەکانی .
دووەم، دروستکردنی نوشتە، جاد و دەرکردنی جنۆکە.
سێیەم، فرۆشتنی گیادەرمان خۆراک و خواردنەوە گۆڵاو و ھەنگوین و ڕەشکە و شتی تر بەناوی چارەسەری پزیشکی ئاینی.

ئەوقافی ھەولێر ئاگاداری هاووڵاتیان دەكاتەوە، بۆ گەیاندنی زانیاری وەک ئەرکێکی ئاینی و نیشتمانی پەیوەندی بکە بەژمارە تەلەفۆنەوە و بەڵگەکان بنێرن و ناوی ھەموو کەسێک پارێزراوە.
ژمارە مۆبایل، كە وەتس ئاپ، ڤایبەر، تیلگرام-ی لەسەرە: ٠٧٥٠٢٥٤٧٥٨٥