دەنگوباس
وتەبێژی تەندروستی سلێمانی ڕایگەیاند، كەسێك بە گومانی تووشبوونی بە نەخۆشی تای خوێنبەربوون لە سلێمانی خراوەتە ژێر چاودێری پزیشكی و پشكنینەكانی ڕەوانەی بەغدا كراوە.
ئەمڕۆ یەکشەممە، سامان شێخ لەتیف، وتەبێژی بەڕێوەبەرایەتیی گشتیی تەندروستیی سلێمانی ڕایگەیاند، هاووڵاتییەک بە گومانی بوونی نەخۆشیی تای خوێنبەربوون لە نەخۆشخانەی شار لە سلێمانی خەوێنرا.
وتەبێژی بەڕێوەبەرایەتیی گشتیی تەندروستیی سلێمانی ئاماژەی بەوەکرد، هاووڵاتییەک کە خەڵکی شاری کەرکووکە و خۆی چووەتە نەخۆشخانە، دوای پشکنینە سەرەتاییەکان پزیشکەکان بۆیان دەرکەوتووە کە نیشانەکانی نەخۆشیی تای خوێنبەربوونی هەیە.
ئەوەشی خستەڕوو، ئەو هاووڵاتییە دەستبەجێ جیاکراوەتەوە و لە شوێنی تایبەت خەوێنراوە، نموونەی لێوەرگیراوە و نێردراوە بۆ بەغدا، بڕیارە سبەی ئەنجامی پشکنینەکانی بگەڕێتەوە.
#باشووری_کوردستان