دەنگوباس
سەرچاوەیەکی ئەمنی بە "دەنگوباس"ی ڕاگەیاند، هێرشەکەی
ئێوارەی ئەمڕۆ بۆ سەر کێڵگەی غازی کۆرمۆر لەلایەن میلیشیاکانی حەشدی شەعبییەوە
کراوە.
ئەوەی جێی سەرنجە میدیای حەشدی شەعبی کە ساناترتن ڕووداوی هەرێمی
کوردستان بڵاودەکاتەوە، لە ئێوارەوە هیچ هەواڵێکی دەربارەی ئەو هێرشە
بڵاونەکردووەتەوە.
سەرچاوەکەی "دەنگوباس" ڕایگەیاند، ماوەیەکە حەشدی شەعبی
بەرپرسیارێتی خۆی لەو پەلامارانە ڕاناگەیەنێت کە ئەنجامیان دەدات، هەروەک هێرشەکەی
ئەم ئێوارەیەوە و ئەوەش کە هەفتەی ڕابردوو کردیە سەر بنکەی ئەمریکییەکان لە
ڕۆژئاوای کوردستان بۆ ئەوەی خۆی لە ئەگەری هەر وەڵامدانەوەیەک بۆ سەر پێگەکانی
بپارێزێت.
لە هێرشەکەی ئێوارەی ئەمڕۆدا کە لە ڕێی درۆنی بۆمبڕێژکراوەوە کرایە
سەر کێڵگەی غازی کۆرمۆر، سێ کارمەندی پاکستانی کوژران و سیانی دیکەش بریندار بوون.
وەزارەتی کارەبا و سامانە سروشتییەکانیش ڕایانگەیاند بە هۆی هێرشەکەوە
بەرهەمهێنانی غاز بۆ وێستگەكانی کارە ڕاگیراوە.
#باشووری_کوردستان