دەنگوباس

‏‎بەڕێوەبەرایەتی هاتووچۆی سلێمانی شۆفێرانی بارهەڵگر ئاگادار دەکاتەوە، لە پێناو سەلامەتی گیانی هاووڵاتییان و گەشتیاران بەڕێوەبەرایەتییەکەمان بڕیاریدا لە ڕۆژانی هەینی هاتووچۆی بارهەڵگرەکان لە کاتژمێر ۷ی بەیانی بۆ ۷ ی ئێوارە قەدەغە بکات.

ئاماژەی بەوەشکرد، هاتووچۆی بارهەڵگرەکان لەم شوێنانە قەدەغە دەکرێن، (ڕێگای دوکان ـ سلێمانی وە بە پێچەوانەوە، ڕێگای قەرەداغ، شەقامی هەواری شار بۆ تونێلی پێشڕەو، ڕێگای سەرجەم ئەو سەیرانگایانەی لە سنووری شارەزووردان.

هاتووچۆی سلێمانی جەختی لەوەشکردەوە، سەرجەم مەفرەزەکان و بازگەکان و قەزای ناوەند هەڵدەستن بەکاری چاودێری و لێپرسینەوە لەو شۆفێرانەی پابەندی ئەم بڕیارە نابن.